Bu gün, 11 aprel tarixində İçərişəhərdə Vətən müharibəsi şəhidi Fərid Əliyevin adını daşıyan küçənin açılış mərasimi olub. Bu haqda məlumatı "İçərişəhər" Dövlət Tarix-Memarlıq Qoruğu İdarəsi verib.
Küçənin açılış mərasimində şahidin ailə üzvləri, yaxın qonşuları, şəhid ailələri, "İçərişəhər" DTMQİ-nin idarə heyətinin sədri Şahin Seyidzadə, Səbail RİH-nin başçısı Vüqar Zeynalov, Milli Məclisin deputatı Nigar Arpadarai və digər ictimai fəallar iştirak ediblər.
Fərid Əliyev 1994-cü il avqustun 14-də Bakıda anadan olub. Vətən müharibəsində iştirak etmək üçün könüllü olaraq cəbhəyə yollanıb. 2020-ci il noyabrın 5-də Şuşa istiqamətində gedən döyüşlərdə qəhrəmancasına həlak olub.
Şəhid Fərid Əliyev 3-cü dərəcəli “Vətənə xidmətə görə” ordeni, “Cəbrayılın azad edilməsinə görə”, “Vətən uğrunda”, “Cəsur döyüşçü” və “Şuşanın azad edilməsinə görə” medalları ilə təltif edilib.
[URIS id=96888]
