"Sultan Murad darvazası" qarşısındakı pilləkən barədə qoruq idarəsi açıqlama verib. Bu haqda bu gün, 27 noyabr tarixində Bakuplus.az “İçərişəhər" Dövlət Tarix-Memarlıq Qoruğu İdarəsinə istinadən xəbər verir.
İdarə həmin pilləkənlərin tarixi abidə olmadığını və ötən əsrin 60-cı illərində inşa edildiyini bildirib. Qurum, həmçinin bərpa oluna biləcək daşların saxlanılaraq yenidən istifadə edildiyini əlavə edib.
“Sultan Murad darvazası" qarşısındakı ərazi XX əsrin 60-cı illərindən başlayaraq ardıcıl qaydada inşa edilmişdir. Son illər boyunca iqlimin təsiri nəticəsində yol örtüyü və pilləkən daşları fiziki və bioloji aşınmaya məruz qalıb, sakin və qonaqlar üçün pilləkənlərdən istifadə zamanı narahatlıq yaradıb.
Bundan əlavə, qeyd olunan pilləkən ərazisinin Azərbaycan Respublikası ərazisində dövlət mühafizəsinə götürülmüş daşınmaz tarix və mədəniyyət abidələrinin siyahısına daxil olmadığı da vurğulanıb.
