İçərişəhərdə uşaqlar üçün festival təşkil olunacaq. Bu haqda bu gün, 31 may tarixində Bakuplus.az Report-a istinadən xəbər verir.
1 iyun – Uşaqların Beynəlxalq Müdafiəsi Günü ilə əlaqədar “Uşaqlar üçün İrs” adlı mədəniyyət və yaradıcılıq festivalı təşkil olunacaq.
2 gün davam edəcək festivalda İçərişəhər ərazisində uşaqlara tarixi-mədəni irs, incəsənət, sənətkarlığı tanıtmaq, yaradıcılıq fəaliyyətini aşılamaq məqsədilə bir sıra tədbirlərin keçirilməsi nəzərdə tutulur.
Festival çərçivəsində muzey ekspozisiyasının nümayişi, tarixi abidələrə turun təşkili, Tahir Salahovun “Güllər” sərgisinə baxış, gənc rəssamların əsərlərinin nümayişi, Bakı Marionet Teatrında kuklalarla tanışlıq, sənətkarlıq üzrə ustad dərsləri, əyləncəli oyunlar, teatr tamaşası, film nümayişi, musiqili proqram və müxtəlif idman növlərinin nümayişi planlaşdırılır.
Tədbir 1-2 iyun tarixləriтвэ baş tutacaq.
