Səbail rayonu, Abbasqulu Abbaszadə küçəsi, 17 ünvanında yanğınsöndürənlər təlim keçiriblər. Bu haqda bu gün, 5 iyul tarixində Bakuplus.az Fövqəladə Hallar Nazirliyinə istinadən xəbər verir.
Təlim zamanı yanğınsöndürən avtomobillər yaşayış binasına, eləcə də ərazidə yerləşən su hovuzuna sərbəst şəkildə yaxınlaşa bilməyib. Bundan əlavə, qəza-işıqlandırma sisteminin olmadığı, binanın ilkin yanğınsöndürmə vasitələri ilə tam təmin edilmədiyi, elektrik təsərrüfatının tələblərə cavab vermədiyi və yanğın xəbərverici siqnalizasiya qurğusunun tam sahəyə quraşdırılmadığı məlum olub.
Aşkar olunan nöqsanlarla bağlı məsul şəxslərə xəbərdarlıq edilib və müvafiq tapşırıqlar verilib.
