Bakının Səbail rayonu, Zərifə Əliyeva küçəsində taksi və piyadalar süni tıxac yaradırlar. Bu haqda bu gün, 26 oktyabr tarixində Bakuplus.az Avosfer.az-a istinadən xəbər verir.
Metronun “Sahil” stansiyası yaxınlığında vətəndaşlar avtomobil yoluna çıxırlar. Onlar taksi və ya avtobus gözləyirlər. Taksilər isə yolun ortasında dayanıb sərnişin götürərək avtobuslara öz zolağına girməyə maneə törədir.
Bütün bunlar ərazidə süni sıxlığın yaranmasına səbəb olur. Bu da həm sürücü, həm də piyadalar üçün çətinliklər yaradır.
Analoji vəziyyət “Koroğlu” metro stansiyasının yaxınlığında da baş verir.
