Səbail rayonunda qanunsuz su istifadəsi halları aşkarlanıb. Bu haqda bu gün, 19 iyul tarixində Bakuplus.az “Azərsu”ya istinadən xəbər verir.
Aparılan yoxlamalar zamanı rayonun bir sıra ərazilərində qanun pozuntuları aşkarlanıb.
20-ci sahə, Ömər Faiq Nemanzadə küçəsi, 25-də yerləşən avtomobil təmiri sexində obyekt sahibi texniki şərt almadan, müqavilə bağlamadan magistral xəttə özbaşına birləşmə edərək sudan qeyri-qanuni istifadə edib.
20-ci sahə, Elçin Əzizov küçəsi, dalan 2-də yerləşən avtomobil təmiri sexində isə. Obyektin sahibi şəbəkəyə qoşulmaq üçün texniki şərt alsa da, su təchizatı müəssisəsindən xəbərsiz birləşmə edib və sudan uçotsuz istifadə edib.
Badamdar qəsəbəsi, 1-ci yaşayış massivi, Xurşidbanu Natəvan küçəsində həyət evinin sahibi uzun müddət ödəniş etmədiyi və sayğacdankənar xətt çəkərək suyu taladığı aşkar olunub.
Aşkarlanmış faktlarla bağlı məsul şəxslərlə söhbətlər aparılıb, onlar məsuliyyətə cəlb olunublar.
Cari ilin il 6 ayında Səbail rayonu üzrə 131 sudan qanunsuz istifadə halları aşkarlanıb, 100-ə yaxın fakt araşdırılması üçün hüquq-mühafizə orqanlarına təqdim olunub.
