Bakının Nəsimi rayonunda yerləşən istirahət guşəsində oturacaqlar yarasız vəziyyətə düşüb. Bu haqda bu gün, 11 aprel tarixində Bakuplus.az ATV News-a istinadən xəbər verir.
Sakinlərin sözlərinə görə, Səməd Vurğun bağında yerləşən oturacaqların çoxu yararsız vəziyyətə düşüb. Bu da onların narazılığına səbəb olub.
“Oturacaqlarda olan taxtalar sınıb. Oturmaq mümkün olmur. Düzəltsələr, çox yaxşı olardı” - deyə sakinlər şikayət edirlər.
Nəsimi Rayon Mənzil Kommunal Təsərrüfatı Birliyinin rəisi Nizami Mayılov bildirdi ki, həmin oturacaqlar bir dəfə əsaslı təmir olunub.
“Yararsız vəziyyətə düşən oturacaqların yenisi ilə əvəz olunması və digərlərində təmir işləri aparılması işləri davam etdirilir. Qış parkında, Şevçenko adına parkda, Vaqif prospekti boyu yaşıllıq zolaqları və parklarda artıq cari təmir işləri gedir. Səməd Vurğun bağında da mövcud oturacaqların yeniləri ilə əvəz olunması işləri yaxın vaxtlarda həyata keçiriləcək”, - deyə N.Mayılov qeyd edib.
