Paytaxtın Sabunçu rayonu, Sabunçu qəsəbəsi, Rəşid Məcidov küçəsi, 8 ünvanında 100 illik bina qəzalı vəziyyətdədir. Bu haqda bu gün, 22 noyabr tarixində Bakuplus.az Xəzər Xəbər-ə istinadən məlumat verir.
12 ailənin yaşadığı ikimərtəbəli tikilinin həm iç, həm də çöl divarları çatlayıb. Yağış yağanda evin damından su sızır və sakinlər tavandan elektrik xətləri keçdiyinə görə qısa qapanma olacağından qorxurlar. Binanın özü isə əyilməyə başlayıb.
“Yatağımın altında taxta qoymuşam ki, çarpayı düz dursun. Döşəmədə hardasa 5 sm əyilmə var”, - deyə sakinlərdən biri bildirir.
Sakinlər binanın qəzalı və yaşamağa yararsız olduğunu iddia etsələr də, Sabunçu rayon İcra Hakimiyyətindən bildirilib ki, binanın uzun müddət təmirsiz olduğu səbəbindən yaşayış üçün məhdud yararlı vəziyyətdədir.
“Binanın texniki göstəriciləri barədə məlumatlar Bakı Şəhər İcra Hakimiyyətinə təqdim olunub”, - deyə rayon İcra Hakimiyyətindən əlavə olunub.
[caption id="attachment_80063" align="alignnone" width="640"]
Foto Xəzər Xəbərin rəsmi Youtube kanalı[/caption]
