Bakının Sabunçu rayonunda yerləşən küçədə abadlıq-quruculuq işləri başa çatıb. Bu haqda bu gün, 5 aprel tarixində Bakuplus.az “İDEA” İctimai Birliyinə istinadən xəbər verir.
Abadlıq-quruculuq işləri Bakıxanov qəsəbəsi, Sülh küçəsi, 4090/94-cü məhəllə, ev 3, ev 1/1, ev 2/7 ünvanlarını əhatə edib və 820 nəfər sakin üçün nəzərdə tutulub.
“Bizim həyət” layihəsi çərçivəsində ərazidə süni örtüklü minifutbol stadionu, şahmat meydançası, həmçinin müxtəlif idman qurğuları və uşaq meydançaları salınıb.
Eləcə də ərazidə 3 söhbətgah, çoxsaylı oturacaqlar, tullantılar üçün qutular, quş yuvaları və pişik evləri quraşdırılıb.
Əlavə olaraq, həyətdə yeni işıqlandırma dirəkləri, müşahidə kameraları quraşdırılıb, eyni zamanda binaların fasad və blokları tam təmir olunub, asfalt və dam örtükləri yenilənib, elektrik sistemi yenidən qurulub.
Mövcud yaşıllıqların bərpası ilə yanaşı, 219 müxtəlif növ ağac, 5500 kol və 2000 mövsümü gül əkilib. Ümumilikdə 2050 kvadratmetr ərazidə yaşıllıq zolağı salınıb.
[caption id="attachment_134409" align="alignnone" width="640"]
Foto “İDEA” İctimai Birliyi[/caption]
