Sabunçu rayonu, Şəhər şosesi, döngə 5 ünvanında açıq elektrik xətti təhlükə saçır. Bu haqda bu gün, 12 mart tarixində Bakuplus.az Xəzər Xəbər-ə istinadən xəbər verir.
Sakinlərin sözlərinə görə, bir müddət əvvəl yaşayış massivi ərazisində qəzalı olan 3 işıq dirəyini dövlət qurumunun əməkdaşları götürüblər. Onların yeniləri ilə əvəz ediləcəyi vəd edilsə də, günlərdir heç kim gəlmir. Elektrik xətləri isə açıq vəziyyətdə qalaraq ətrafa təhlükə saçır.
“Qısqapanma elə oldu ki, elə bildik, indi alışacaq. Bir neçə dəfə az qala vuracaqdı bizi”, – deyə sakinlər şikayət edirlər.
“Azərişıq” ASC-dən bildirilib ki, məsələ ilə bağlı bələdiyyəyə müraciət olunmalıdır. Sonuncu isə öz növbəsində qeyd edib ki, məsələ həll olunacaq.
