Sabunçu rayonu, Nazim İsmayılov küçəsində çoxmərtəbəli yaşayış binasının lifti baxımsız vəziyyətdədir. Bu haqda bu gün, 12 yanvar tarixində Bakuplus.az ATV-yə istinadən xəbər verir.
Sakinlərin sözlərinə görə, 9 mərtəbəli binanın lifti tez-tez xarab olur. Bu da onlar üçün ciddi çətinliklər yaradır.
“Xəstəsi olan var, yaşlısı olan var. 2 gün işləyir, yenə xarab olur. Hər gün usta çağırmaqdan yorulmuşuq. Öz pulumuzla düzəldirik”, – deyə sakinlər şikayət edirlər.
Həmçinin blokun özü də bərbad vəziyyətdədir.
“Bina nə gündədir. Emulsiya çəkən yoxdur, boya çəkən yoxdur. Bloka çıxan pəncərələrin hamısı sınıqdı, düzəldən yoxdur. Külək olanda bütün zibil dolur blokun içinə”, – deyə şikayətçilər əlavə ediblər.
Rəsmi qurumlar məsələ ilə bağlı bildiriblər ki, problemdən xəbərdardırlar və yaxın zamanda liftlər təmir olunacaq.
