Bakının Səbail rayonu, İstiqlaliyyət küçəsində tarixi binanın divarına reklam vurulması ilə bağlı açıqlama verilib. Bu haqda bu gün, 25 aprel tarixində Bakuplus.az APA-ya istinadən xəbər verir.
Mədəni İrsin Qorunması, İnkişafı və Bərpası üzrə Dövlət Xidmətindən verilən məlumata əsasən, tarixi abidəyə vurulan reklam lövhəsi binanın qapı hissəsi üçün ayrılmış divar oyuğunun çərçivə hissəsinə yerləşib və binanın hər hansı memarlıq elementinin üzərini örtməyib.
Buna baxmayaraq, Dövlət Xidməti tərəfindən tikiliyə təkrarən baxış keçiriləcək. Həmçinin sözügedən tarixi abidənin xüsusi mülkiyyətdə olduğu vurğulanıb.
Paytaxtda dövlət tərəfindən qorunan tarixi abidələrdən birinin üzərinə reklam lövhəsinin vurulması ilə bağlı sosial mediada paylaşımlar yayılmışdı.
