Bu gün, 26 sentyabr saat 08:10-da yola düşən Sumqayıt-Xırdalan-Bakı marşrutu ilə hərəkət edən qatarın havalandırma sistemində problem yaranıb. Bu haqda Bakuplus.az Report-a istinadən məlumat verir.
Qatarda texniki problem yaranması səbəbindən qatarda kondisioner işləməyib. Hazırda nasazlıq aradan qaldırılır.
Sosial şəbəkələrdə yayılan məlumata görə, vaqonlarda olan bəzi sərnişinlərin səhhəti havasızlıqdan pisləşib.
Həmçinin bildirilir ki, sərnişin sıxlığı səbəbindən stansiyalarda minib-düşmə zamanı yubanmalar olduğundan qatar Bakı Dəmiryol Vağzalına 5 dəqiqə gecikmə ilə çatıb.
