Paytaxtın Suraxanı rayonu ərazisində iyulun 12-dən etibarən məişət tullantılarının yığılması, daşınması və çeşidlənməsi layihəsinə başlanılacaq. Bu haqda bu gün, 10 iyul tarixində Bakuplus.az Rayon İcra Hakimiyyətinə istinadən məlumat verir.
Rayonun 700-dən çox sahəsində 4000-dən çox yeni zibil qabı quraşdırılıb, hər bir zibil sahəsinə məsul şəxslər ayrılıb. İşə həm Rayon İcra Aparatının əməkdaşları, həm də gənc könüllülər, Regional İnkişaf İctimai Birliyinin nümayəndələri cəlb olunublar.
Vətəndaşlara müvafiq bukletlər paylanılır, yaşayış binalarının bloklarına plakatlar yapışdırılır.
Dövlət başçısının ayırdığı vəsaitə 104 yeni müasir zibil daşıyan avtomobil alınıb.
Layihə şəhərin İcra Hakimiyyəti tərəfindən məşhur Britaniya şirkəti “Mott MacDonald” ilə birlikdə həyata keçirilir.
[caption id="attachment_105868" align="alignnone" width="640"]
Foto Suraxanı rayon İcra Hakimiyyətinin rəsmi saytı[/caption]
