Cari ilin fevral ayında Tərtər rayonunda minaya düşərək ayağını itirən gənc yenə magistraturaya qəbul olub. Bu haqda bu gün, 3 iyul tarixində Bakuplus.az məlumat verir.
23 yaşlı Həsənəli Əlizadə 2022-ci ildə BDU-nun Politologiya ixtisasını fərqlənmə diplomu ilə bitirib. Daha sonra gənc Polşanın Varşava Dövlət Universitetinə təqaüdlə qəbul olub, lakin təhsilini davam etdirməyib.
Hadisə Tərtər rayonunun Qaradağlı kəndində baş verib. Əlizadə heyvan otaran zaman minaya düşüb. Onun sol ayağı topuqdan aşağı amputasiya olunub, sağ ayağı isə qəlpə yarası alıb.
O, təkrar magistraturaya hazırlaşaraq 65 bal toplayıb. Əlizadə Xəzər Universitetində təhsilini davam etdirəcək.
