Aparıcı Tarix Əliyev (Tolik) Türkiyədə zəlzələ zamanı valideynlərini itirmiş uşaqlardan birini övladlığa götürmək istəyir. Bu haqda o, öz İnstagram səhifəsində məlumat paylaşıb.
Onun sözlərinə görə, o, həmin məsələ ilə Türkiyənin Azərbaycandakı səfirliyinə müraciət etmək istəyib.
"Qardaş ölkədə baş vermiş zəlzələ nəticəsində yüzlərlə körpə uşaq valideynsiz qalıb. Eşitdiyim xəbərə görə, Türkiyə dövləti bu uşaqların övladlığa götürülməsinə şərait yaradır. Mən də buradan müraciət edirəm Türkiyə Səfirliyinə. Əgər belə imkan varsa, mənə yardımçı olun. Orada olan 1-2 aylıq uşaqlardan birini övladlığa götürüm. Mənim iş yerimi, evimi araşdırsınlar".
Həmçinin məlum olub ki, Türkiyə Ailə və Sosial Xidmətlər Nazirliyi açıqlamada zəlzələdə valideynini itirən uşaqların xaricdə yaşayan ailələrə verilməsinin mümkünsüz olduğunu bildirib.
View this post on Instagram
