Paytaxtın Binə qəsəbəsində teplovozdan qara tüstü çıxması sosial şəbəkələrdə qızğın müzakirələrə səbəb olub. Bunu əsk etdirilən videogörüntülər yayılıb. Bu haqda bu gün, 22 iyul tarixində Bakuplus.az Oxu.az-a istinadən məlumat verir.
Sosial şəbəkə istifadəçiləri teplovozun atmosferə qara tüstü buraxmasının ekologiyanın çirklənməsinə səbəb olmasını iddia edirlər.
Məsələ ilə bağlı “Azərbaycan Dəmir Yolları” (ADY) QSC-dən bildirilib ki, sözügedən taplovoz nasazlığa görə texniki baxış üçün birbaşa təmir deposuna göndərilib.
“ADY ətraf mühitin qorunmasına xüsusi həssaslıqla yanaşır. Belə ki, vaqon və lokomotiv parkımız mərhələli şəkildə müasirləşdirilir, ekodost hesab olunan yeni nəsil qatarlar və lokomotivlər alınır, hərəkət tərkibləri plan qrafik üzrə vaxtında texniki baxışdan keçirilir, dəmir yolu xətləri boyunca yaşıllıqlar salınır, tullantıların təkrar emalı üzrə layihələr həyata keçirilir”, – qurumdan əlavə ediblər.
