Xətai rayonu, Nəsrəddin Tusi küçəsi bina 17-də kanalizasiya borusu sıradan çıxıb. Nəticədə çirkab sular binanın zirzəmisinə dolub.
Bakuplus.az xəbər verir ki, sakinlər dəfələrlə bu barədə qaynar xəttə müraciət etsələr də, şikayətlərinə baxılmayıb:
“Onlayn müraciət belə etmişəm. “Sizi qeydə aldıq, gələcəklər” deyirlər. Ancaq heç kəs gəlmir. “Azərsu ASC” nəyi necə anlayır, başa düşə bilmirəm. Burada artıq 6 gündür ki, antisanitar vəziyyət yaranıb”, - sakinlərdən biri deyib.
Bildirilib ki, üfunətdən binaya girmək mümkün deyil. Sakinlər tezliklə bu problemin həll edilməsini tələb edir.
