Şəhid Etibar Nəcəfovun xatirə bulağının açılışı olub. Bu haqda 6 may tarixində Report məlumat verib.
Bulaq Səbail rayonu, Badamdar qəsəbəsində quraşdırılıb. Mərasimdə Səbail və Laçın rayon icra hakimiyyətlərinin nümayəndələri, şəhidin ailə üzvləri, yaxınları, döyüş yoldaşları və ictimaiyyət nümayəndələri iştirak ediblər. Bulağın önünə əklil və gül dəstələri düzülüb.
Etibar Nəcəfov 2020-ci il sentyabrın 27-də başlanmış Vətən müharibəsinə könüllü olaraq qatılıb. O, oktyabrın 1-də döyüş bölgəsinə yollanıb. E.Nəcəfov Qubadlı uğrunda gedən doyüşlərdə qəhrəmancasına vuruşaraq şəhid olub.
Qəhrəman ölümündən sonra “Vətən uğrunda”, “Füzulinin azad olunmasına görə”, “Xocavəndin azad olunmasına görə”, “Cəbrayılın azad olunmasına görə” və “Qubadlının azad olunmasına görə” medalları ilə təltif edilib.
