Xətai rayonunda yerləşən restoranda nöqsanlar aşkarlanıb. Bu haqda bu gün, 24 aprel tarixində Bakuplus.az Qida Təhlükəsizliyi Agentliyinə istinadən xəbər verir.
Rayonun Yusif Səfərov küçəsi, 23A ünvanında fəaliyyət göstərən “Kristal plaza Baku” restoranında yoxlama aparılıb. Məlum olub ki, mətbəx sahəsində sanitar-gigiyenik qaydalara əməl edilməyib, temperaturun monitorinq və qeydiyyatı aparılmayıb, müvafiq təmizlik işləri həyata keçirilməyib, işçi heyəti xüsusi geyim forması ilə təmin olunmayıb və gigiyenik təlimlərə cəlb edilməyib.
Aşkar olunan faktlarla bağlı rəhbərlik məsuliyyətə cəlb olunub.
