Paytaxtın Xətai rayonu, Mirzə Davud küçəsindəki yollar bərbad vəziyyətdədir. Bu haqda bu gün, 20 may tarixində Bakuplus.az Real TV-yə istinadən xəbər verir.
Sözügedən ərazidə yağış yağandan sonra yollar palçıq olur, gölməçələr yaranır. Həmçinin küçədə işıqlandırma sistemi də yoxdur.
“16 ildir burada yaşayıram. Yayda qumdan, qışda isə palçıqdan hərəkət etmək olmur. Qoxu və ağcaqanaddan yaşamaq olmur”, - deyə sakinlərdən biri bildirib.
Onlar deyirlər ki, məktəbli uşaqların ilboyu ayağı islaq, corabı nəmdir.
Rəsmi qurumlar məsələdən xəbərdar olduqlarını və yaxın zamanlarda sözügedən ərazidə yenidənqurma işlərinin aparılacağını bildiriblər.
