Paytaxtın Xətai rayonu, Qədir Məmmədov 2, 3, 4 və 6 ünvanlarında uzun müddətdir abadlıq işləri aparılmır. Bu haqda bu gün, 29 aprel tarixində Real TV-yə istinadən xəbər verir.
Sonuncu dəfə 1980-ci ildə təmir olunan küçədə dincəlmək üçün söhbətgah belə yoxdur. Torpaqlı məhəllədə ağac da bitmir, sakinlərin əkdiyi yaşıllıq sağ qalmır.
Həmçinin binaların fasadları təhlükə saçmağa başlayır, baxımsız liftlərə də daxil olmaq qorxuludur. Zirzəmidə yığılan sular isə zərərverici böcəkləri cəlb edir.
Rəsmi qurumlar məsələdən xəbərdar olduqlarını bildiriblər. Ərazinin abadlaşdırılması nəzərdə tutulub.
