Paytaxtın Xətai rayonu, Ramiz Quliyev küçəsi 48/52 ünvanında yaşayan sakinlər 30 ildir yataqxanada qalırlar. Bu haqda bu gün, 14 may tarixində Bakuplus.az Real TV-yə istinadən xəbər verir.
Burada yaşayan 18 ailə eyni ayaqyolunu, eyni hamamı bölüşdürür. Bina 1950-ci ildə inşa olunub və bu günə qədər bir dəfə də təmir olunmayıb. Onlara evlə təmin olunacaqlarını söz veriblər, ancaq 30 ildir burada yaşamağa məcburdurlar.
“43 ildir zavodda işləyirəm, 37 ildir ev növbəsindəyəm. Nə vaxta qədər mən gözləyəcəm?”, - deyə sakinlərdən biri şikayət edib.
Rəsmi qurumlar məsələdən xəbərdar olduqlarını, binanın ötən əsrdə zavod işçiləri üçün tikildiyini bildiriblər. Onlar müvafiq qurumlara müraciət ediblər, ancaq hələlik tikiliyə baxış keçirilmədiyini qeyd ediblər.
