Xətai rayonunda 128 yaşlı bina qəzalı vəziyyətdədir. Bu haqda 27 aprel tarixində Bakutv məlumat verib.
Paytaxtın 8 Noyabr prospektində yerləşən qəzalı binada 16 ailə uzun illərdir yaşayır. Binanın ikinci mərtəbəsinin dəhlizində tavanın bir hissəsi uçaraq mənzillərdən birinin üstünə düşüb. Bina sakini bildirib ki, bina demək olar cəmi bir sütunun üzərində dayanıb.
“Demək olar ki, bütün aidiyyəti orqanlara müraciət etmişik. Amma gəlib baxan yoxdur”, – sakinlərdən biri deyib.
“Bakıda 105 binanın qəzalı olması barədə FHN-in rəyi var. Qalan 1000-ə yaxın binalarda inventarizasiya aparılacaq. Bu binaların daha kəskin, daha təhlükəli olanları müəyyən olunacaq və onların qəzalı olması barədə ilkin növbədə mütəxəssislərin rəyi alınacaq. Digər binalarda isə təmir-bərpa işlərinin aparılması üçün mütəxəssislər cəlb olunacaq, təmir-bərpa gücləndirmə işlərinin aparılması mümkün olduğu halda, bu işlər müvafiq qurumlara həvalə olunacaq”, - deyə BŞİH-nin şöbə müdiri Rəşid Ağayev məsələyə aydınlıq gətirib.
[caption id="attachment_42365" align="alignnone" width="800"]
Foto Baku TV rəsmi saytı[/caption]
