Xətai rayonu, NZS qəsəbəsi, Araz Novruzov küçəsində yerləşən 4 mərtəbəli 8 mənzilli binanın qaz sayğacları sökülüb. Bu haqda XəzərXəbər reportaj hazırlayıb.
Sakinlərin sözlərinə görə, qaz sayğacları “Azəriqaz”ın əməkdaşları tərəfindən əvvəlcədən xəbərdarlıq edilmədən sökülüb və yeniləri ilə əvəz edilməyib. Qurumun iddialarına görə, quraşdırılan sayğaclar faktiki olaraq digər ünvanda qeydiyyata alınıb. Qış zamanı qazsız qalan sakinlər bildirir ki, sayğaclar "Azəriqaz" işçiləri tərəfindən quraşdırılıb və kodlaşdırılıb.
Yaranmış vəziyyətlə bağlı “Azəriqaz” İstehsalat Birliyinin mətbuat xidmətinin rəhbəri Eldəniz Vəliyev bildirib ki, sayğaclar ərazidə qanunsuz quraşdırılıb. O, həmçinin qeyd edib ki, sakinlər layihələndirməyə müraciət edərək yeni sayğaclarla təmin oluna bilərlər.
