Bakı Şəhəri üzrə Təhsil İdarəsi 27 nömrəli tam orta məktəbin 11-ci sinif şagirdinin döyülməsi faktı ilə bağlı araşdırma aparıb. Bu haqda 12 may tarixində Oxu.az məlumat yayıb.
Bildirilir ki, aprelin 14-də məktəb müəllimi ilə 11-ci sinif şagirdi arasında yaranmış mübahisə, fasilə zamanı müəllim, Kənan Həsənovun şagirdi vurmasına səbəb olub.
Məktəb rəhbərliyi müəllim və şagirdlə söhbət aparıb. Tərəflər münaqişələrin və zorakılığın yolverilməzliyini müzakirə ediblər. Münaqişə həll olunub.
Daha öncə məlum olub ki, Xətai rayonu 27 saylı orta məktəbin 11-ci sinif şagirdinin anası coğrafiya müəllimi Kənan Həsənovun qeyri-etik davranışından öz narazılığını bildirmişdir.
