Bakının Xətai rayonu, Afiyəddin Cəlilov küçəsində qanunsuz parklanmanın inşasının qarşısı alınıb. Bu haqda bu gün, 23 aprel tarixində Bakuplus.az İqtisadiyyat.az-a istinadən xəbər verir.
Bakı Şəhər Memarlıq və Şəhərsalma Baş İdarəsindən bildirilib ki, əməkdaşları tərəfindən ərazidə şəhərsalma nəzarəti qaydasında monitorinq keçirilib. Nəticədə Afiyəddin Cəlilov küçəsi, 80 ünvanında piyada səkisinin parklanma yeri üçün qanunsuz olaraq zəbt edildiyi aşkarlanıb.
Fakt üzrə müvafiq qaydada akt tərtib edilərək ərazinin saxlanılması, qısa zamanda lazımi tədbirlərin həyata keçirilməsi üçün aidiyyəti üzrə Bakı Şəhər İcra Hakimiyyəti və yerli icra hakimiyyəti orqanına məlumat verilib.
