Xətai rayonunda bəzi zibil qutuları yaşayış binalarının girişlərinin yanında yerləşir. Amma qutuların sayı tələblərə cavab vermir və tullantılar vaxtında yığışdırılırmır. Bu haqda bu gün, 23 mart tarixində Xəzər Xəbər reportaj hazırlayıb.
Sakinlrərin sözlərinə görə, həmin antisanitar vəziyyət həşəratlar üçün uyğun mühit yaradır. Xəstəliklərə səbəb ola biləcək ağcaqanad, milçək və parazitlər də sakinlərin mənzillərinə daxil olur. Xoşagəlməz qoxu vəziyyəti daha da qəlizləşdirir.
Sakinlər deyirlər ki, bununla bağlı dəfələrlə aidiyyəti qurumlara müraciət etsələr də, nəticəsi olmayıb.
Xətai rayon 10 nömrəli mənzil-kommunal istismar sahəsinin texniki bildirib ki, zibilin çox olması zibil konteynerlərinin az olması ilə əlaqədardır. Əlavə zibil meydançası da var, yeni zibil qutularının təmir olunması tapşırılıb və qısa müddətdə, ən gec iyun ayınadək bu məsələ həllini tapacaq.
