Paytaxtın Xətai rayonu, Səməd bəy Mehmandarov küçəsi, 96 ünvanında 40 ildir liftlər yenilənmir. Bu haqda bu gün, 12 avqust tarixində Bakuplus.az AzTV-yə istinadən xəbər verir.
Sakinlər baxımsız liftlərin təhlükə saçdığından və hər an faciənin baş verə biləcəyindən narahatdırlar. Bina 1987-ci ildə istifadəyə verilib. O gündən bu günə qədər də eyni liftlər istismar edilir.
“95-ci ildən burada yaşayıram. Bir neçə dəfə içəridə qalmışam. Hər dəfə usta çağırırsan, o da gələnə qədər xeyli vaxt itirirsən,” - deyə sakinlərdən biri bildirib.
Məsələ ilə bağlı Bakı şəhər Lift-Təmir İstehsalat Birliyindən bildirildi ki, 25 ildən artıq işləyən liftlər plana uyğun olaraq mərhələli şəkildə dəyişdirilir.
[caption id="attachment_58256" align="alignnone" width="800"]
Foto AzTV rəsmi Youtube kanalı[/caption]
