Bakının Xətai rayonu, Mehdi Mehdizadə küçəsi, 2 ünvanında yaşayış binasının inşası bitmək bilmir. Bu haqda bu gün, 27 aprel tarixində Bakuplus.az Baku TV-yə istinadən xəbər verir.
Sözügedən ərazidə 7 il öncə köhnə evləri söküblər və MTK 2 ilə yeni bina inşa edəcəyini vəd edib. Lakin tikinti 7 ildir davam edir.
“Bizə söz vermişdilər ki, evlər tikiləndən sonra buradan mənzillər veriləcək. Amma 7 ildir ki, tikinti yubanır. Bizə 14 aydır ki, şirkət tərəfindən heç kirayə pulu da verilmir. Mən öz pensiyamdan pul ödəməli oluram”, – deyə sakinlər şikəyət edirlər.
Vətəndaşların sözlərinə görə, dövlət qurumları onların müraciətlərinə baxmırlar. Onlar illərdir qurumların arasında qalıbar.
MTK-nın nümayəndəsi Mahir Mahmudov bildirib ki, mənzillər ilin sonuna kimi tam təhvil veriləcək.
“İnşaatda heç bir ciddi problemimiz yoxdur. Mənzillər, demək olar, tam hazır şəraitdədir”, – deyə o əlavə edib.
