2021-ci ildə əsaslı təmir edilən və yenidən qurulan, Xətai rayonu ərazisində yerləşən Nizami Gəncəvi parkındakı idman alətləri sındırılıb.
Bu barədə Bizim.Media-ya yaxınlıqda yaşayan sakinlər məlumat veriblər.
Sakinlər bildirib ki, əvvəllər burada idman edirdilər, indi isə bütün alətlər yararsız vəziyyətdədir. İdman qurğularının isə kim, yaxud kimlər tərəfindən yararsız hala salındığı bəlli deyil.
Məsələ ilə bağlı Xətai rayon İcra Hakimiyyətindən bildiriblər ki, yaxın günlərdə təmir işlərinə başlanacaq: “Həmin alətləri quraşdıran şirkətə artıq müraciət olunub. Qırılan oturacaqlar isə Xətai rayon Mənzil Təsərrüfat Birliyi tərəfindən bərpa ediləcək”.
