Bakının Xətai rayonu, Sarayevo, 13 ünvanında 1 hektar ərazidə abadlıq-quruculuq işləri başa çatdırılaraq həyət sakinlərin istifadəsinə verilib. Bu haqda bu gün, 23 noyabr tarixində Bakuplus.az Rayon İcra Hakimiyyətinə (RİH) istinadən məlumat verir.
İki minə yaxın sakinin yaşadığı həyətdə asfalt örtüyü salınıb, tamet daşlar və 3500 kv.m sahəyə yaşıl örtük çəkilib, yeni bordürlər qoyulub. Bəzi vətəndaşlar tərəfindən zəbt olunmuş sahələr əhalinin ümumi istifadəsinə qaytarılıb, kiçik tullantılar üçün zibil qutuları qoyulub. Bununla yanaşı, işıqlandırma sistemi quraşdırılıb, 500 ədəd dekorativ kol və ağac əkilib, yaşıllıqlara aqrotexniki qulluq göstərilməsi üçün su xətləri çəkilib.
Ərazidə söhbətgah və oturacaqlar qoyulub, müxtəlif növ uşaq oyun elementləri və idman qurğuları yerləşdirilib.
[caption id="attachment_120824" align="alignnone" width="640"]
Foto Xətai Rayon İcra Hakimiyyəti[/caption]
