Xətai rayonu, Nəsrəddin Tusi, 22A ünvanında sakinlərin istirahət guşəsi yoxdur. Bu haqda bu gün 18 may tarixində Bakuplus.az ARB-yə istinadən xəbər verir.
Sözügedən ərazidə istirahət üçün sahə olsa da, burada heç bir şərait yoxdur. Sakinlərin sözlərinə görə, boş ərazilərin hamısı hasarlanaraq özəlləşdirilib.
“Uşaqların oynamağa yeri yoxdur. Hər yeri zəbt ediblər. Hər yerdən qovurlar onları”, – deyə sakinlər şikayət edirlər.
Bundan əlavə, ünvanda sakinlərin hərəkəti üçün də heç bir şərait yoxdur. Sakinlərin yeganə yolu olan pilləkənlərdə baxımsız olduğundan təhlükə saçır.
“Neçə dəfə yıxılan olub burada. Şəhərdə qalırıq, amma elə bil dağa çıxırıq. Yağışda, qarda, ümumiyyətlə, hərəkət etmək mümkün deyil”, – deyə sakinlər əlavə ediblər.
