Xəzər rayonunda abadlaşdırılma işləri aparılıb. Bu haqda bu gün, 21 iyun tarixində Bakuplus.az rayon İcra Hakimiyyətinə istinadən xəbər verir.
Keçirilən iməcilik çərçivəsində rayonun bütün qəsəbələrində parklar, istirahət guşələri, çimərliklər, eləcə də prospekt, küçələr və səki kənarları alaq otlarından təmizlənib. Tullantıların atıldığı konteyner və meydançaların ətrafının yuyulması, həmçinin digər təmizlik və dezinfeksiya işləri görülüb.
Bundan əlavə, çəmənlik və ağaclar suvarılıb, qurumuş ağaclar ərazidən götürülüb, digər yaşıllıqlar budanıb, eləcə də həyət və məhəllələrdə təmizlik-abadlıq işləri görülüb.
Mövsüm ərzində rayonun müxtəlif ərazilərində abadlıq işləri aparılması nəzərdə tutulub.
