Albalılıq yaşayış massivində təhlükə mənbəyinə çevrilən dayanacaqlar mövcuddur. Bu haqda 5 mart tarixində Bakuplus.az-a məlumat daxil olub.
Albalılıq yaşayış massivində 21-ci əsrlə ayaqlaşmayan dayanacaqlar var. İstifadə üçün yararsız olan dayanacaqlar baxımsız vəziyyətə düşüblər. Pavilyonlar daşdan tikildiyi üçün artıq çat verirlər, nəticədə təhlükə mənbəyinə çevrilirlər. Bundan əlavə, gözləmə məntəqələrinin içi zibillə doludur. Sakinlər deyirlər ki, ərazidə yeni dayanacaqların olmaması səbəbindən bunlardan istifadə etməyə məcburdurlar.
“Payızda, qışda soyuqdan, yayda, yazda isə günəşdən qorunmaq üçün illərdir bu dayanacaqlardan istifadə edirik. Lakin artıq onlar köhnədirlər. Biz də istəyirik buraya yeni, müasir dayanacaqlar quraşdırılsın”, - deyə sakinlərdən biri istəyini bildirib.
[URIS id=35837]
