Paytaxtın Xəzər rayonunda sudan qanunsuz istifadə halları aşkarlanıb. Bu haqda bu gün, 6 may tarixində Bakuplus.az “Azərsu”ya istinadən xəbər verir.
Mərdəkan-Bilgəh yolunda dekorativ ağacların satışı ilə məşğul olan sahibkar müqavilə bağlamadan sudan qanunsuz istifadə edir. Bu kimi hallara görə obyekt sahibi 2 dəfə cərimələnsə də, o, suyu talamaq əməlindən əl çəkməyib.
Binə qəsəbəsi, Bolluq sahəsi adlanan ərazidə yerləşən “Arzu” şadlıq evinin müqaviləsi və sayğacı var, lakin obyektin sahibi sayğacdankənar xətdən istifadə edir.
Şüvəlan qəsəbəsi, Hacı Məmmədov küçəsində yeni tikilmiş həyət evlərində də sudan qanunsuz istifadə edildiyi aşkarlanıb.
Aşkar olunan hər qanunsuz əməlin qarşısı alınıb, məsul şəxslər məsuliyyətə cəlb olunublar.
Cari ilin yanvar-aprel aylarında Xəzər rayonunda qanunsuz sudan istifadə ilə bağlı 555 fakt aşkarlanıb, 50-dən çox fakt araşdırılması üçün hüquq-mühafizə orqanlarına təqdim olunub.
[caption id="attachment_99465" align="alignnone" width="640"]
Foto Azərsu[/caption]
