Paytaxtın Xəzər rayonunun Buzovna, Binə və Şağan qəsəbələrində qanunsuz tikilən qeyri-yaşayış obyektləri sökülüb. Bu haqda bu gün, 31 mart tarixində Bakuplus.az Fövqəladə Hallar Nazirliyinin (FHN) mətbuat xidmətinə istinadən məlumat verir.
FHN-in Dövlət Yanğın Nəzarəti Xidməti və Tikintidə Təhlükəsizliyə Nəzarət Dövlət Agentliyinin reydləri nəticəsində obyektlərin icazəsiz tikildiyi, yanğın təhlükəsizliyi sahəsində qanunvericiliyin tələbləri təmin olunmadan insanların həyat və sağlamlığına potensial təhlükə yaratdığı və digər nöqsanlar müəyyən edilib.
Həmin obyektlər müxtəlif şəxslərə məxsusdur.
Agentlik Xəzər Rayonu İcra Hakimiyyətinin nümayəndələrinin iştirakı ilə həyata keçirilən müvafiq tədbirlər nəticəsində qanunsuz tikinti işlərinin qarşısı alınıb və obyektlər sökülüb.
[caption id="attachment_95713" align="alignnone" width="640"]
Foto report.az[/caption]
