Xəzər rayonunda yerləşən qədimi hamam uçmaq təhlükəsi altındadır. Bu haqda 11 aprel tarixində ATV xəbər verib.
Bilgəh qəsəbəsində yerləşən Seyid Ağa hamamının günbəzlərinin bir hissəsi uçub. Hamamın 19-cu əsrə aid olduğu bildirilir.
Qəsəbə ərazisində yerləşən tarixi hamamlardan biri də İbrahim Molla Xəlil hamamıdır. Hamam qəsəbə sakininin fərdi yaşayış evinin düz həyətində yerləşir. Məhz bu evin sahibinin şəxsi təşəbbüsləri hesabına hamamda müəyyən təmizlik işləri aparılıb. Burada abadlıq işləri görülüb.
Mədəni İrsin Qorunması, İnkişafı və Bərpası üzrə dövlət xidmətinin şöbə müdiri Nuridə Allahyarova bildirir ki, Bilgəhdəki tarixi hamamlar dövlət qeydiyyatında olsalar da, bu hamamların restavrasiyası müvafiq investisiya siyasətinə daxil edilməyib.
“İnvestisiya siyasətinə daxil edildikdən sonra artıq bunun üçün tarixi müvafiq layihə hazırlanacaq, mütəxəssislər cəlb olunacaq və ondan sonra artıq o abidələrin, tikililərin təmiri, bərpası, restavrasiyası nəzərdə tutula bilər.
Hazırda bir sıra tarixi abidələrdə investisiya proqramına uyğun olaraq təmir bərpa işləri aparılır”, - Nuridə Allahyarova bildirib.
[URIS id=40256]
