Paytaxtın Xəzər rayonu, Şüvəlan-Mərdəkan yolunda salınan velosiped yolundan istifadə etmək mümkün deyil. Bu haqda bu gün, 26 aprel tarixində izləyicilərə istinadən Oxu.az məlumat verib.
Göstərilən istiqamətdə velosiped sürmək istəyənlər deyirlər ki, asfalt örtüyünə yalnız qırmızı boya vurulub: “Sanki qrunt yola qırmızı boya, üstünə də velosiped şəkli çəkiblər. Yolun o biri tərəfi isə hələ hazır deyil. Təsəvvür edin, yeni cücərən otlar asfalt örtüyünü yarıb çıxır. Özü də yol düz deyil, dərə-təpədir”.
Paylaşımlardan birində vətəndaş sözügedən velosiped yolunun böyrək daşından əziyyət çəkənlərə faydalı ola biləcəyini qeyd edib.
Sakinlər deyirlər ki, bu yolda velosiped sürmək tamamilə qeyri-mümkündür, çünki bu zolaqların əksəriyyətini dayanmış avtomobillər tutur.
[caption id="attachment_98474" align="alignnone" width="640"]
Foto Oxu.az[/caption]
