Xəzər rayonu, Türkan qəsəbəsi, Bağlar massivində şəraitsizlik hökm sürür. Bu haqda bu gün, 12 aprel tarixində Bakuplus.az ARB-yə istinadən xəbər verir.
Adıçəkilən ərazidə yaşayan sakinlər su, yol və tullantılardan narazıdırlar. Onların sözlərinə görə, ətrafda bir çox evlərə su çəkilib, ancaq onların evlərində su yoxdur. Bundan əlavə, avtomobil yolu da bərbad vəziyyətdədir. İnsanlar hərəkət etməkdə çətinlik çəkirlər.
“Küçəyə qədər avtobus xətti olmalı idi, ancaq çəkmədilər ki, bura su çəkiləcək, sonra yollar düzələcək, amma heç bir addım atılmır”, – deyə sakinlər şikayət edirlər.
Su problemi, həmçinin Qala qəsəbəsi, Xaşaxuna massivində də var. Burada sakinlər illərdir susuzluqdan əziyyət çəkdiklərini, suyu çənlə aldıqlarını vurğulayırlar.
