Yazın gəlişi ilə əlaqədar Xəzər rayonunun bütün yaşayış məntəqələrini əhatə edən təmir-bərpa işləri mütəmadi olaraq həyata keçirilir. Bu haqda bu gün, 17 aprel tarixində Bakuplus.az Rayon İcra Hakimiyyətinə istinadən məlumat verir.
Rayondakı parklarda, məhəllələrarası istirahət və əyləncə sahələrində, eləcə də idman meydançalarında təmir-bərpa işləri aparılıb. Park skamyaları, sınmış işıq dirəkləri, həmçinin idman meydançalarında quraşdırılmış avadanlıqlar təmir edilib, rənglənib.
Hazırda məhəllələrarası stadionlarda təmir-bərpa işləri aparılır, zədələnmiş dəmir torlar bərpa edilərək rənglənir, əkin sahələrinə yeni süni ot örtüyü döşənir.
[URIS id=97504]
