Bakının 4 qəsəbəsinin su-kanalizasiya sistemi yenidən qurulacaq. Bu haqda 15 mart tarixində Report məlumat verib.
“Azərsu” ASC Bakının Şağan, Şüvəlan, Buzovna və Maştağa qəsəbələrinin bir hissəsinin su təchizatı və kanalizasiya sistemlərinin yenidən qurulması işləri üçün 3 açıq tender elan edib. Tenderdə iştirak etmək istəyənlər 500 manat ödəniş etməlidirlər.
Namizədlər tender təklifini aprelin 20-si, saat 16:00-a qədər, onun dəyərinin 1%-i qədər bank təminatını isə aprelin 29-u, saat 16:00-a qədər səhmdar cəmiyyətinin Bakı şəhəri, Yasamal rayonu, Moskva prospekti, 67 ünvanında yerləşən inzibati binasına təqdim etməlidirlər.
