Xocalı prospektində yeni xətlər narazılığa səbəb olur.
ATV xəbər verir ki, adıçəkilən prospektdə avtomobillərin hərəkəti üçün cəmi 1 zolaq qalıb. Yolun sol zolağı velosiped, sağ zolaq isə parkinqdir.
“Səhərlər mümkün deyil buradan keçmək olmur. Avtobuslar gedəndə isə, ümumiyyətlə hərəkət etmək mümkün deyil”, - deyə sürücülər şikayət edirlər.
Nəqliyyat Məsələləri üzrə ekspet Elməddin Muradlı deyir ki, yeni yaradılan velosiped zolağını başqa yolla çəkmək olardı.
“O yolu kəsib doğramaq nə dərəcədə effektivdir. Velosiped zolağını Xocalı parkının içərisi ilə aparmaq olardı”, - deyə o, qeyd edib.
Yerüstü Nəqliyyat Agentliyindən isə bildirildi ki, həmin yol standartlara uyğun, mütəxəssislərin rəyinə əsasən çəkilib və dəyişiklik etmək nəzərdə tutulmur.
