YARAT İncəsənət Mərkəzində uşaqlar üçün ustad dərsi keçiriləcək. Bu haqda bu gün, 29 may tarixində Bakuplus.az mərkəzə istinadən xəbər verir.
Tədbir 1 İyun – Uşaqların Beynəlxalq Müdafiəsi Gününə həsr olunacaq. İştirakçılar Azərbaycanın Əməkdar rəssamı Rəşad Ələkbərovla müxtəlif təkrar emal olunan materiallardan istifadə etməklə instalyasiya yaratmaq imkanı əldə edəcəklər.
Valideynlərə isə “Azadlığa monument” qrup sərgisinə ekskursiya təşkil olunacaq, daha sonra onlar ekspozisiyada vurğulanan dekolonizasiya, milli kimlik, kollektiv şüur və s. mövzulara dair müzakirəyə qatıla biləcəklər.
Tədbir 1 iyun saat 11:00-da XX-XXI əsrlər Azərbaycan Rəngkarlığı Muzeyində baş tutacaq. Qeydiyyat üçün 050 251 41 15 nömrəsi ilə əlaqə saxlamaq mümkündür.
