Yasamal rayonu, Abbas Mirzə Şərifzadə küçəsində avtobus dayanacaqları həm sakinləri, həm də sürücüləri çaşdırır. Bu haqda bu gün, 29 aprel tarixində Bakuplus.az Xəzər Xəbər-ə istinadən xəbər verir.
Sözügedən ərazidə aralarında 20 metr məsafə olan iki dayanacaq pavilyonu quraşdırılıb. Bu da sürücü və sərnişinlər arasında çaşqınlıq yaradır.
“Biz həmişə birinci dayanacağın önündə saxlayırıq, ikinci isə sonradan yarandı. Sərnişin görəndə ikincinin də qarşısında dayanmalı oluruq”, – deyə sürücülər qeyd ediblər.
Yol hərəkəti üzrə ekspert Ərşad Hüseynovun sözlərinə görə, dayanacaqda xaotik vəziyyət yaranmasın deyə bu addım atıla bilər. Belə vəziyyət adətən marşrut xətlərinin çox olduğu küçələrdə tətbiq edilir.
“Ərazidə böyük sərnişin axını varsa, belə hal normaldır. Ancaq düzgün yol cizgiləri çəkilməlidir ki, hər kəs üçün aydın olsun”, – deyə o əlavə edib.
