Yasamal rayonunda ağacların sanitar kəsimi baş tutub. Bu haqda bu gün, 13 iyun tarixində Bakuplus.az Report-a istinadən xəbər verir.
Rayonun Nəriman Nərimanov prospekti, 5 ünvanında Bakı Şəhər Yaşıllaşdırma Təsərrüfatı Birliyi tərəfindən sanitar kəsim – qurumuş, xəstə və zədələnmiş ağacların kəsilməsi işləri aparılıb.
“Burada 3 ədəd ağac (2 şam və 1 sərv) götürülüb və kəsilən ağacların yerində 6 ədəd yeni ağacın əkilməsi istiqamətində işlər görülür. Ətrafdakı digər ağacların quru budaqları da budanacaq, onlara aqrotexniki qulluq göstəriləcək", – deyə Bakı Şəhər Yaşıllaşdırma Təsərrüfatı Birliyinin məlumatında qeyd olunub.
