Yasamal rayonunda yerləşən 173 nömrəli məktəbin şagirdləri özlərinin də xəbəri olmadan başqa məktəbə köçürülüblər. Bu haqda bu gün, 16 avqust tarixində Bakuplus.az ARB-yə istinadən xəbər verir.
Valideynlərin sözlərinə görə, dərslərin başlamasına 1 ay qalmış onlara xəbər etmədən övladlarını 150 saylı tam orta məktəbə köçürüblər.
“3 nəvəm burada oxuyur, birini də göndəriblər o biri məktəbə. Mən indi yollarda qalmalıyam. Niyə axı 2 məktəbin arasında qalmalıyam?!” – deyə sakinlərdən biri şikayət edib.
Təhsil ocağından məsələ ilə bağlı bildiriblər ki, məktəbdə ümumiyyətlə sagird qalmayacaq. Buna səbəb ətrafda yaşayış binalarının sökülməsi və sakinlərin azalmasıdır. Bütün təhsilalanlar digər məktəblərə köçürüləcəklər. Bununla bağlı valideynlərin rəyi də nəzərə alınacaq.
