Yasamal rayonu, Şeyx Şamil küçəsində yerləşən beton zavodu sakinləri yaşamağa qoymur. Bu haqda bu gün, 12 yanvar tarixində Bakuplus.az ATV-yə istinadən xəbər verir.
Sakinlərin sözlərinə görə, sözügedən beton zavodundan hər 2-3 gündən bir ətrafa sement tullantıları atılır. Bu da sakinlərin yaşayışına ciddi maneələr yaradır.
“Nə çölə pəncərə aça bilirik, nə paltar sərə. Zavod inşa olunanda filtrləri var idi deyə problem yox idi. İndi isə hər gün sement ciyərimizdədir. Dəfələrlə şikayət etmişik, amma məsələ həll olunmur”, – deyə sakinlər bildirirlər.
Həmçinin qeyd olunub ki, yaşayış evləri burada 90-cı illərdə tikilib. Zavod isə sonradan inşa olunub.
“Elit Spark” beton zavodundan məsələ ilə bağlı vurğulanıb ki, tullantıların atılması ilə bağlı araşdırma aparılacaq. Ekologiya Nazirliyi isə tədbir görüləcəyini qeyd edib.
