Yasamal rayonunun İnşaatçılar prospektində, İzmir Residence yaşayış kompleksinin qarşısında sakinlərin avtomobillərini park etməsi piyadaları narahat edir. Piyadalar öz yolları ilə gedə bilmir, gediş-gəlişə çox ciddi maneələr törədilir. Bu haqda bu gün, 31 oktyabr tarixində Bakuplus.az ATV Xəbər-ə istinadən məlumat verir.
Verilən məlumata görə, kompleksdə yaşayan sakinlərin çoxunun avtomobil qarajı yoxdur. Maşınlar MTK ərazisinə buraxılmadığından sakinlər onları piyada səkisində saxlayırlar. Məsələyə aydınlıq gətirmək üçün MTK-yə müraciət etsək də, açıqlama verən olmadı.
Çəkiliş zamanı yol polisi səkini zəbt edən avtomobilləri cərimələdi. Bakı ŞDYPİ-dən bildirildi ki, bu ərazidə mütəmadi olaraq avtomobillərin səkidə park olunması hallarına rast gəlinir. Vətəndaşlar dayanma-durma qaydalarını pozduqları üçün cərimələnirlər.
