Bakının Yasamal rayonunda, Cəfər Cabbarlı və Balababa Məcidov küçələrinin kəsişməsində qurumuş ağac hər an aşa bilər. Bu haqda bu gün, 1 fevral tarixində Bakuplus.az ATV News-a istinadən xəbər verir.
Sözügedən ərazidə qurumuş ağac yola doğru əyilərək avtomobillər üçün təhlükə yaradır. Sakinlərin sözlərinə görə, bu səbəbdən həmin yolla istifadə edən zaman ağacın üzərlərinə düşəcəyindən qorxurlar.
“Küləkli hava olanda, axşam vaxtı, həmçinin sağa manevr edən zaman ciddi problem yaranır”, – deyə sakinlər vurğulayıblar.
Dövlət Ekoloji Ekspertiza Agentliyinin şöbə müdiri Fariz Qasımov bildirib ki, ilk növbədə ağac budanmalıdır ki, onun dayanaqlığı təmin olunsun. Əgər bu addımlar problemi həll etmirsə, agentliyə müraciət olunmalıdır ki, ağacın yeri dəyişdirilsin.
Yasamal RİH-dən isə bildirildi ki, sözügedən ünvanda avtomobillərin rahat hərəkətinə maneə yaradan ağacın budanması ilə bağlı bir neçə gün əvvəl Bakı şəhər Yaşıllaşdırma Təsərrüfatı Birliyinə məktub göndərilib.
